Tîm Prifysgol Abertawe
Rydym wedi ein lleoli yn yr Ysgol Cyfrifiadureg a Pheirianneg Electronig ym Prifysgol Abertawe ers 2003. Mae gennym dîm arloesol sydd â sgiliau STEM amrywiol, ac sy'n cynnig cymorth i blant ac oedolion.
Beti Williams
Ym 1995 sefydlodd Beti Williams raglen ITWales o fewn Adran Cyfrifiadureg Prifysgol Abertawe.
Roedd rhaglen ITWales yn cynnwys cynllun lleoli graddedig ac israddedig ITWales, Fforwm TGCh Cymru, Cynghrair Meddalwedd Cymru a Technocamps.
Mae hi hefyd wedi trefnu dathliad Diwrnod Rhyngwladol y Menywod bob blwyddyn ers 2000. Fe gyrhaeddodd rownd derfynol Menyw y Flwyddyn Cymreig ac enillodd Wobr Menyw y Flwyddyn yn 2006 yn Academia a'r Sector Cyhoeddus yng Ngwobrau Blackberry y DU. Yn 2012 fe'i gwnaed yn MBE ar gyfer Gwasanaethau i Ferched mewn Gwyddoniaeth, Peirianneg a Thechnoleg.
Yr Athro Faron Moller
Mae Faron yn Athro Cyfrifiadureg, ac mae’n rhan o Technocamps ym Mhrifysgol Abertawe ers ei ddechreuad yn 2003, pan arweiniodd problemau ynghylch recriwtio israddedigion at bryderon am ddarpariaeth Cyfrifiadureg mewn ysgolion.
Luke Clement
Luke yw'r Rheolwr Gweithrediadau yn Technocamps a fe sy'n gyfrifol am oruchwylio gweithrediadau'r tîm gan gynnwys y DPP technoteach a datblygiad adnoddau.
Mae Luke yn rhugl yn y Gymraeg a graddiodd o Abertawe gyda MPhys Ffiseg Ddamcaniaethol ac yn athro cymwysedig.
Joanne Ralph
Joanne Ralph yw ein Swyddog Cyswllt Ysgolion, wedi'i leoli ym Mhrifysgol Abertawe. Mae hi'n athrawes Wyddoniaeth gymwysedig gyda gradd mewn Cemeg. Mae ganddi brofiad helaeth o'r sector addysg uwchradd ac wedi bod yn gyfrifol am ddarparu cymwysterau iechyd a lles a Bagloriaeth Cymru.
Mae gan Joanne ddiddordeb arbennig mewn ennyn brwdfrydedd dros bynciau STEM ym mhob disgybl, yn enwedig merched.
Maria Moller
Maria yw’r Swyddog Ymgysylltu â Busnesau ar gyfer Sefydliad Codio Cymru a Technocamps.
Yn dilyn blynyddoedd lawer yn academia yn gwneud ymchwil yn y gwyddorau bywyd, penderfynodd gymryd y cyfle i weithio ar groesfan academia a’r gymuned fusnes, ac yn ystod y 10 mlynedd diwethaf, mae wedi datblygu rhwydwaith eang ar draws de Cymru a’r tu hwnt.
Paige Jennings
Paige yw Rheolwr Cyfathrebu Technocamps. Graddiodd Paige o Brifysgol Bath Spa gyda gradd mewn Dylunio Graffig. Mae hi'n goruchwylio strategaethau cyfathrebu, cysylltiadau gyda’r cyhoedd, brandio, marchnata digidol ac argraffu, a gweithgareddau hyrwyddo'r rhaglenni ar draws Technocamps.
Casey Hopkins
Mae Casey yn Gymrawd Addysgu ym Mhrifysgol Abertawe lle mae hi hefyd wedi cwblhau ei Gradd Meistr mewn Cyfrifiadureg. Mae hi'n ddarlithydd ar y Rhaglen Prentisiaeth Gradd Peirianneg Meddalwedd Gymhwysol ac mae'n cefnogi cyflwyno'r cynllun gradd israddedig.
Yn ei rôl mae'n paratoi adnoddau STEM, yn ogystal â'u cyflwyno mewn gweithdai Technocamps a Technoclubs.
Chess Hutin
Chess yw’n Cynorthwy-ydd Cyllid Technocamps ac mae'n cynorthwyo gydag archebu ar gyfer y tîm. Graddiodd o Abertawe gyda gradd mewn Mathemateg a dechreuodd wneud ei hastudiaethau cyfrifeg ar ôl cwblhau AAT Lefel 3.
Ar ôl dod o gefndir STEM, mae Chess yn awyddus i helpu gyda llwyddiant parhaus Technocamps.
Olga Petrovska
Mae Olga yn Gymrawd Dysgu ym Mhrifysgol Abertawe. Mae ganddi raddau mewn addysgeg, ieithyddiaeth a chyfrifiadureg. Ar ôl gweithio a gwirfoddoli mewn sawl sefydliad yn y DU a thramor, cafodd brofiad mewn rheoli prosiectau a gweithrediadau, TG, a gwasanaethau iaith. Ar hyn o bryd, mae'n ddarlithydd ar y Rhaglen Prentisiaeth Gradd Peirianneg Meddalwedd Cymhwysol.
Jack Roberts
Mae Jack yn Gymrawd Dysgu i Technocamps Abertawe ac mae'n gyfrifol am gyflwyno gweithdai yn Ne Orllewin Cymru. Graddiodd Jack o Brifysgol Abertawe gyda gradd Baglor mewn Peirianneg Meddalwedd ac mae’n gobeithio ysbrydoli disgyblion ledled Cymru gan ddefnyddio hanes cyfrifiadurol, dylunio gemau ac electroneg.
Daniel North
Mae Dan yn Swyddog Addysgu ar gyfer Technocamps ac yn gyfrifol am gyflwyno a datblygu gweithdai ar draws De Cymru. Mae gan Dan radd Baglor mewn Ffiseg o Brifysgol Nottingham Trent, mae’n siaradwr Cymraeg rhugl ac yn athro gwyddoniaeth cymwysedig.
Mae'n canolbwyntio ar ddatblygu gyrfa mewn allgymorth STEM gyda brwdfrydedd am ysbrydoli myfyrwyr o bob oed i astudio meysydd gwyddonol.
Emily Gwyther
Emily yw Uwch Gynorthwyydd Gweinyddol Technocamps. Mae gan Emily radd Rheolaeth Busnes o Brifysgol Abertawe.
Mae hi'n mewnbynnu data cyfranogwyr i'r system ac yn casglu adborth gwerthfawr ar gyfer tîm Technocamps.
Filippos Pantekis
Enillodd Filippos ei BSc mewn Cyfrifiadureg ym Mhrifysgol Abertawe, ac mae’n nesáu at ddiwedd ei PhD (eto ym Mhrifysgol Abertawe). Mae ei ymchwil yn ymwneud ag optimeiddio ac atebion hynod gyfochrog i broblemau cyfrifiadurol anodd, gan ddefnyddio GPUs.
Mae’n mwynhau addysgu ar ein rhaglen Gradd-brentisiaeth ac yn edrych ymlaen at ddod â’i sgiliau i Technocamps!
Alex Southern
Mae Alex yn gyfrifol dros ddarparu gweithdai yn Ne-orllewin Cymru. Mae'n frwdfrydig am ei waith i hyrwyddo STEM ac mae wedi gweithio yn nifer o brosiectau tebyg ym Mhrifysgol Abertawe.
Graddiodd Alex mewn Rheolaeth Ecoleg ac Amgylcheddol o Brifysgol Nottingham Trent ac mae'n bwriadu trosglwyddo elfennau o gynaliadwyedd ac amgylcheddaeth yn ei ddysgu.
Mark Kelleher
Graddiodd Mark o Brifysgol Southampton gyda BSc 2:1 mewn Daearyddiaeth. Aeth ymlaen i ennill TAR mewn addysg Gynradd o Brifysgol Abertawe ac erbyn hyn mae wedi bod yn dysgu am 27 mlynedd.
Mae’n mwynhau dylunio a saernïo pethau o sgrap, ac mae ganddo ddiddordeb mawr mewn archwilio Gŵyr ac ymchwilio i wybodaeth amdano’i gorffennol cyffrous. Mae'n gobeithio defnyddio'r sgiliau a'r wybodaeth hyn i helpu gyda'r gwaith a wneir gan Technocamps.
Carlo Sarli
Mae Carlo yn Gymrawd Dysgu yn Technocamps Abertawe lle mae'n helpu i gyflwyno a datblygu gweithdai yn Ne Orllewin Cymru. Mae'n canolbwyntio'n arbennig ar allgymorth cymunedol trwy ddysgu sgiliau hanfodol.
Ben Lloyd-Roberts
Graddiodd Ben o Brifysgol Abertawe gyda BSc mewn Cyfrifiadureg ac MSc mewn Data Mawr a Deallusrwydd Artiffisial. Mae bellach yn nesáu at diwedd ei PhD mewn dysgu peirianyddol ar gyfer diogelwch rheilffyrdd. Yn ogystal, mae'n cyflwyno modiwlau ar Gryptograffi a Seiberddiogelwch fel Cymrawd Dysgu ar Gradd Brentisiaeth BSc Peirianneg Meddalwedd Cymhwysol.
Mae'n gobeithio helpu i ddod â phynciau sylfaenol ac uwch mewn Cyfrifiadureg i unrhyw gynulleidfa sy'n barod i ddysgu!
Lee Clift
Mae Lee yn Gymrawd Addysgu ym Mhrifysgol Abertawe, yn addysgu ar y rhaglen Gradd-brentisiaeth BSc Peirianneg Meddalwedd Cymhwysol. Mae ganddo BSc ac MSc mewn Cyfrifiadureg a Chyfrifiadureg Uwch, gan arbenigo mewn Peirianneg Meddalwedd, Datblygu Gêm a Roboteg Deallus.
Mae hefyd yn agos at gwblhau PhD ym Mhrifysgol Sheffield, sy'n canolbwyntio ar Werth Uchel, Gweithgynhyrchu Awyrofod Cyfaint Isel, a'r rôl y gallai roboteg ei chwarae ynddo.
Mina Cyrus
Mae Mina yn Gymrawd Dysgu ym Mhrifysgol Abertawe lle mae hi'n helpu i gyflwyno a datblygu cyrsiau a gweithdai micro-grededd yn Ne Orllewin Cymru. Mae ganddi radd PhD mewn rhesymeg fathemategol/cyfrifiadureg, a blynyddoedd o brofiad darlithio ym mhrifysgolion Awstralia, ynghyd â phrofiadau Ymgynghori a rheoli prosiect mewn busnesau TG.
Samuel Griffin
Mae Samuel yn Gynorthwyydd Cyflenwi yn Technocamps Abertawe lle mae’n helpu i gyflwyno a datblygu gweithdai a phrosiectau meddalwedd yn Ne Orllewin Cymru.
Mae'n astudio Cyfrifiadureg ym Mhrifysgol Abertawe ac yn cwblhau ei flwyddyn mewn diwydiant gyda ni. Mae'n gobeithio cymhwyso'r wybodaeth o'i gwrs i'w waith yn ystod y flwyddyn.