Rydym yn defnyddio cwcis i ddadansoddi ein traffig. Penderfynwch a ydych chi'n barod i dderbyn cwcis o'n gwefan.
English

Technocamps yn Eisteddfod yr Urdd 2018

Cyhoeddwyd: 05 June 2018

Mwynhaodd Technocamps wythnos hwylus yn Eisteddfod yr Urdd eleni yn Llanfair-ym-Muallt. Roedd y stondin yn boblogaidd iawn gyda llwyth o ddisgyblion brwdfrydig o Gymru yn rhoi cynnig ar raglennu ein robotiaid NXT LEGO Mindstorms i ddatrys tasg. Roedd gennym ni hefyd ddisgyblion a rhieni yn ceisio profi eu sgiliau datrys problemau gyda'n gemau cyfrifiadurol a raglennir yn Scratch. Roedd y diddordeb yn ein stondin yn wych ac un uchafbwynt arbennig oedd ymddangos ar ddarllediad byw S4C o'r Eisteddfod ddydd Iau. Roedd yn bleser cynnig y profiadau hyn trwy gyfrwng y Gymraeg i gynifer o siaradwyr Cymraeg ifanc yn y dathliad yn arddangos diwylliant ein cenedl. Wrth siarad am ddiwylliant a'r celfyddydau, yn Technocamps, rydym ar hyn o bryd yn edrych ymlaen at weld creadigrwydd disgyblion wrth iddynt baratoi ar gyfer ein cystadleuaeth roboteg flynyddol, sydd eleni yn seiliedig ar y thema "Artistiaid Awtonomaidd". Ein nod gyda'r thema hon yw ysbrydoli disgyblion i gyfuno'r sgiliau creadigol mewn Cyfrifiadureg a'r celfyddydau ac rydym yn gyffrous iawn i weld y canlyniadau!

Am fwy o wybodaeth, gweler ein llyfryn: CystadleuaethRobotegTechnocamps2018.pdf

Gallwch gofrestru ar gyfer y gystadleuaeth yma: https://goo.gl/forms/eECWZUp644GfX4RE3


Y newyddion diweddaraf

Trwy gymryd rhan yn y rhaglen hon, bydd Athro yn ennill cydnabyddiaeth Technocamps fel 'Athro Ardystiedig Technocamps', neu gall Ysgol gyflawni statws 'Ysgol Ardystiedig Technocamps' ar lefel Efydd, Arian, neu Aur.

Pan benderfynodd Ben Dodd ymuno â rhai ffrindiau mewn Clwb Roboteg amser cinio pan oedd yn yr ysgol uwchradd, ychydig a wyddai mai dyma fyddai dechrau ei daith ar yrfa mewn Cyfrifiadureg.

Graddiodd Robert o Brifysgol Caerdydd, ac ysbrydolwyd ei yrfa mewn cyfrifiadureg gan weithdy Technocamps wythnos o hyd yr oedd wedi mynd iddo tra roedd yn yr ysgol.

Rydym wedi agor y porth yr oeddem wedi'i datblygu ar gyfer rhaglen yr Haf, ac mae'r adnoddau a ddatblygwyd gennym fel tîm ar gael i chi eu defnyddio a'u rhannu.

Dewch yn Rhan

Oes gennych chi ddiddordeb mewn trefnu gweithdy Technocamps ar gyfer eich ysgol neu goleg? Rydym yn cynnig amrywiaeth o weithdai yn seiliedig ar feddwl cyfrifiannol i gefnogi myfyrwyr a staff trwy CA2 i CA5. Cysylltwch â ni i gael gwybod mwy.

Cysylltu â'r Tîm
Mae'r prif bartner, Prifysgol Abertawe, yn elusen gofrestredig. Rhif. 1138342