Dros y pythefnos diwethaf, ymunodd 142 o ddisgyblion o 26 o ysgolion ledled Cymru â ni ar gyfer ein Cystadleuaeth Roboteg Flynyddol mewn partneriaeth â’r RAF!

Thema’r gystadleuaeth eleni oedd Techathlon, a heriwyd disgyblion i fynd i fyd chwaraeon drwy ddylunio a chreu robot a allai fynd i’r afael â heriau Olympaidd fel pêl-fasged, shotput a chodi pwysau. 

Bu’r cyfranogwyr yn cydweithio mewn grwpiau ar eu prototeipiau gan ddefnyddio unrhyw galedwedd neu gitiau oedd ar gael cyn dylunio poster a fideo ar gyfer eu prototeipiau i’w defnyddio fel rhan o’u cyflwyniad i’r beirniaid. Creodd y grwpiau fyrddau arddangos, eu cyflwyno i banel o feirniaid arbenigol o Technocamps a’r RAF, ac ateb unrhyw gwestiynau dilynol. Yna, cafwyd her fyw, heb ei weld, pan ddangosodd y cyfranogwyr eu gallu i addasu trwy addasu eu robotiaid yn gyflym i gwblhau tasg newydd.

 Diolch enfawr i’r holl dimau gwych a ymunodd â ni a llongyfarchiadau i’r timau buddugol. Rydym eisoes yn edrych ymlaen at ddigwyddiad y flwyddyn nesaf a'r syniadau a'r creadigaethau arloesol a ddaw yn ei sgil. Cadwch draw am fwy o fanylion!